Sipas një sondazhi të kryer së fundmi, shumica e evropiano-perëndimorëve janë në favor të hakmarrjes ndaj tarifave të reja dhe më të larta të kërcënuara nga presidenti i SHBA-së, Donald Trump, transmeton Anadolu.
“Në rast se SHBA-ja vendos tarifa për mallrat e BE-së, sondazhi zbulon se shumica mbështet tarifat hakmarrëse kundër Amerikës”, thotë raporti i sondazhit të kryer nga ‘YouGov EuroTrack’ që ka anketuar shtatë vende, përfshirë Britaninë, Danimarkën, Francën, Gjermaninë, Italinë, Spanjën dhe Suedinë.
Danezët janë më të favorizuarit e hakmarrjes, përkatësisht me 79 për qind në favor.
“Në Gjermani, që pritet të goditet veçanërisht rëndë duke marrë parasysh madhësinë e industrisë së tyre të prodhimit të makinave, dy të tretat (68 për qind) janë në favor”, thuhet në raport.
Italia është vendi më pak mbështetës i tarifave hakmarrëse, me 56 për qind në favor.
Tarifat amerikane do të kenë një ndikim të rëndësishëm në ekonominë evropiane, sipas 60-76 për qind të vendeve të anketuara.
Sa i përket tregtisë me SHBA-në deri më tani, rreth 40-67 për qind e evropianëve thanë se mendojnë se BE-ja ishte e drejtë me SHBA-në, pavarësisht pretendimeve të Trumpit për politika “të padrejta”.
SHBA-ja ka njoftuar një rritje prej 25 për qind të tarifave për çelikun, aluminin, makinat dhe pjesët e makinave, me detyrime të tjera që priten për gjysmëpërçuesit, farmaceutikët dhe lëndën e drurit.
Presidenti Trump ka kërcënuar të vendosë tarifa të gjera për një gamë të gjerë mallrash globale.
