Skena kaotike pasi Izraeli vë në shënjestër njerëzit që presin ndihmë

Edhe një herë, forcat izraelite hapën zjarr ndaj njerëzve që prisnin dërgimin e ndihmave në rrethrrotullimin e Kuvajtit në Gaza qendrore.

Dëshmitarët në terren e përshkruan situatën atje si krejtësisht kaotike.

Forcat izraelite shënjestruan gjithashtu anëtarë të komiteteve fisnore lokale dhe popullore që janë përgjegjës për sigurimin e dërgesave të ndihmave. Ata punojnë që furnizimet të shpërndahen në mënyrë të sigurtë mes familjeve të dëshpëruara në nevojë.

Forcat izraelite kanë shënjestruar disa herë njerëzit në rrethrrotullimin e Kuvajtit, i cili quhet kurth vdekjeje mes palestinezëve.

Dëshmitarët që kemi kontaktuar thonë se ekipet mjekësore, së bashku me ekipet e mbrojtjes civile, janë ende duke u përpjekur për të evakuuar viktimat dhe njerëzit e plagosur nga vendi pas sulmit të fundit, thonë nga Aljazeera.

Ka ende njerëz të shtrirë në tokë pa marrë ekipet e shpëtimit për shkak të nivelit intensiv të bombardimeve të Izraelit.

Njerëzit vazhdojnë të shkojnë atje, pavarësisht natyrës së rrezikshme të vendit, sepse nuk kanë zgjidhje tjetër. Ata e dinë se mund të jenë në shënjestër, por nuk duan të kthehen duarbosh në shtëpitë dhe familjet e tyre.