Avionët luftarakë rusë, të cilët u ngritën nga baza Hmeymim në Latakia, kryen një sulm ajror në fshatrat Yakubiyye dhe Judeida në perëndim të Idlibit
Shtatë civilë u vranë dhe 13 të tjerë u plagosën si pasojë e sulmit ajror të avionit luftarak rus në fshatrat Yakubiyye dhe Judeida në provincën e Idlibit, ku jetojnë banorë të krishterë, në veriperëndim të Sirisë, transmeton Anadolu Agency (AA).
Sipas observatorit të avionëve të opozitës, avionët luftarakë rusë, të cilët u ngritën nga baza Hmeymim në Latakia, kryen një sulm ajror në fshatrat Yakubiyye dhe Judeida në perëndim të Idlibit.
Sipas informacionit të marrë nga zyrtarët e Mbrojtjes Civile të Idlibit (Helmetat e Bardha), nga sulmi ajror i aeroplanit rus në fshatin Judeida të Idlibit, sipas përcaktimeve të para, kanë humbur jetën 7 persona dhe 13 të tjerë janë plagosur.
– Situata në Idlib
Në takimin e Astanës në vitin 2017, Turqia, Rusia dhe Irani vendosën të krijojnë 4 “zona deeskalimi” në zonën që nuk është nën kontrollin e regjimit të Asadit.
Regjimi, terroristët e mbështetur nga Irani dhe Rusia vazhduan sulmet e tyre dhe morën 3 nga 4 rajonet dhe u drejtuan për në Idlib.
Megjithëse Turqia në shtator 2018 arriti një marrëveshje shtesë për të forcuar armëpushimin me Rusinë, sulmet u intensifikuan përsëri në maj 2019. Pas marrëveshjes së re mes Turqisë dhe Rusisë më 5 mars 2020, armëpushimi ruhet në masë të madhe.
Përafërsisht 2 milionë civilë që ikën nga sulmet gjatë periudhës 2017-2020 u detyruan të migrojnë në rajonet afër kufirit turk. /aa
