Sigal Prishtina ka njoftuar se i ka ndarë rrugët me trajnerin Jaksa Vuliq.
Ekipi ka njoftuar të hënën për këtë vendim, duke e falënderuar kroatin për kontributin.
“Faleminderit Jaksa! Ju njoftojmë se klubi ka ndarë rrugët me trajnerin Jaksa Vulić. Trajnerin e falënderojmë për kontributin e dhënë deri më tani”, thuhet në njoftim.
Vuliqi ishte emëruar trajner i skuadrës në janar të këtij viti.
Prishtina renditet e katërta në tabelë me 38 pikë. Para saj janë Ylli me 39 pikë, Peja 41 dhe Trepça e para me 46 sosh.
