Njihu, se si e përqafoi Islamin politikani holandez Joram van Klaveren, pasi që e luftoi atë për vite të tëra, në një dialog me TRT:
Nga ekstremi i djathtë në përqafimin e Islamit!
PYETJE PËRGJIGJE ME POLITIKANIN HOLANDEZ MUSLIMAN, KLAVEREN
- “Po shkruaja një libër kundër Islamit, ku po kërkoja përgjigje për pyetjet e mia.
Ndërkohë, që po lëvizja librat e mi, disa më ranë nga rafti dhe në mesin e tyre ishte edhe Kur’ani. Kur e mora në dorë, gishti im ishte vendosur tek ajeti 46 i sures El-Haxh, ku thoshte: “Me të vërtetë nuk verbohen sytë, por verbohen zemrat, të cilat janë në kraharor!
Pasi u zgjova ditën e tjetër, ndjenjat e mira të trazuara ishin qetësuar plotësisht. Ndjeva forcë e lumturi në zemër dhe në atë ditë, e njoftova gruan dhe nënën time, se jam bërë musliman!” - CILI ËSHTË MENDIMI YT PËR MARRËDHËNIET E PERËNDIMIT ME TURQINË?
“Evropa është e tejskajshme, kur vjen puna te çështja e Turqisë.
Bërthama e Bashkimit Evropian sot është shumë kundër Zotit. Kjo luan një rol të madh në qëndrimin e shumë politikanëve këtu.
Sikur të isha turk, personalisht nuk do ta kisha dëshiruar të bëhesha anëtar i Bashkimit Evropian për shkak të qëndrimit të tyre”. - CILI ËSHTË MENDIMI YT PËR ISLAMOFOBINË DHE FJALIMET EKSTREMISTE?
“Ka mungesë njohjeje… Kjo gjë luan në rol kryesor. Në Perëndim, shumica e njerëzve nuk dinë shumë për Islamin.
Mjetet e informacionit dhe globalizmi ekstrem luajnë gjithashtu një rol të madh”. - SI E KE PËRBALLUAR ZEMËRIMIN E RRETHIT TËND, PASI KE DEKLARUAR ISLAMIN?
“Ka pasur kërcënime me vrasje. Disa njerëz kanë dashur të vrasin fëmijët e mi dhe të dhunojnë gruan time, në një formë ekstreme.
Por, natyrisht, në atë mënyrë që ka qenë gabimi im. E kam përhapur ekstremizmin në të kaluarën dhe u përballa me këtë ekstremizëm prej shokëve të mi të vjetër.
Kështu është jeta, natyrisht, çfarë bën do ta pësosh.
Por, falënderimi i takon Allahut, pas kësaj situata u bë e lehtë”. - SI KE QENË PËRPARA ISLAMIT?
“Për vite të tëra, si politikan, kam dhënë gjithë maksimumin tim, për ta luftuar Islamin. Jam përpjekur të kaloj (miratoj) projekte për mbylljen e të gjitha shkollave islame dhe xhamive në Holandë.
Jam përpjekur të ndaloj tërësisht Kur’anin. Kam qenë plotësisht i bindur, se Islami është dhunë, kundër femrës, armik i krishterimit dhe përhapës i terrorizmit”.
(Marrë nga TRT Arabic)
