Nënsekretari i ministrit libanez të Shëndëtsisë, Riza al-Musav, ka bërë të ditur se në shpërthimin e ndodhur në Portin e Bejrutit kanë humbur jetën të paktën 154 persona dhe se numri i të plagosurve është rritur në 6 mijë, transmeton Anadolu Agency (AA).
Duke folur për AA, Musav tha se në mesin e të plagosurve 120 persona janë në gjendje kritike dhe se punimet për kërkimin e personave të humbur vazhdon. Ai vlerësoi se “numri i të vdekurve mund të rritet”.
Më 4 gusht, në Portin e Bejrutit shpërtheu një zjarr në një depo me lëndë shpërthyese, pas së cilës ndodhi një shpërthim shumë i fuqishëm që tronditi tërë qytetin.
Guvernatori i Bejrutit, Marwan Abboud, bëri të ditur se dëmi i shkaktuar nga shpërthimi në Portin e Bejrutit mund të arrijë 10 deri në 15 miliardë dollarë.
