Federata e Shoqatave të Bashkuara të Kaukazit, e cila përfaqëson çerkezët dhe komunitetet e tjera, ka hedhur poshtë akuzat se çerkezët janë asimiluar në Turqi, raporton Anadolu Agency (AA).
Duke folur për AA lidhur me një dokumentar të transmetuar nga transmetuesi gjerman Deutsche Welle (DW), nënkryetari i federatës, Cemil Gorucu tha se çerkezët janë trajtuar gjithmonë si qytetarë të barabartë.
“Çerkezët ishin element thelbësor si në periudhën e Perandorisë Osmane ashtu edhe në themelimin e Republikës. Kur Mustafa Kemal Ataturk themeloi Republikën Turke, shumica e shokëve të tij ishin çerkezë”, tha Gorucu.
Ai theksoi se kjo është arsyeja pse çerkezët dhanë jetën në Betejën e Kut al-Amara, Çanakkala, Sarikamis, në Luftën e Pavarësisë dhe u bënë qytetarë të Republikës së Turqisë.
“Gjermania duhet të shikohet në pasqyrë dhe të bëjë një vlerësim të tillë. Ajo mund të ketë marrë një rol konfuzioni në zhvillimet politike. Ne nuk kemi probleme për sa i përket organizatave joqeveritare të formuara për të mbajtur gjallë traditat, zakonet dhe kulturën tonë”, tha ai.
“Gjuha Adige mund të zgjidhet si lëndë zgjedhore në shkollat e mesme. Në të njëjtën kohë, ka studime për gjuhët dhe gjuhën çerkeze në Universitetin Düzce dhe Universitetin Erciyes. Ata kanë departamente kulturore. Asnjë vend tjetër nuk na e ka dhënë këtë. Nëse Republika e Turqisë na e ka dhënë këtë mundësi, Gjermania duhet të shikojë veten së pari. Ne kemi të gjitha të drejtat e qytetarëve të kategorisë së parë në Turqi”, potencoi Gorucu.
Çerkezët, një popull me shumicë muslimane, vuajtën shumë nën Rusinë cariste dhe iu nënshtruan spastrimit etnik.
Një luftë e vitit 1864 pranë qytetit port të Detit të Zi, Soçi, e cila ishte një disfatë për çerkezët pas së cilës Perandoria Ruse pushtoi të gjithë Kaukazin, një rajon që shtrihej nga Deti i Zi lindor deri në Detin Kaspik.
Në një gjendje të ngjashme me atë të tatarëve të Krimesë, gati 1.5 milionë çerkezë u dëbuan nga rajoni në lindje të Detit të Zi pas pushtimit nga Rusia në vitin 1864. Deri në gjysmë milioni besohet se kanë vdekur.
Shumica e çerkezëve të zhvendosur u strehuan në Perandorinë Osmane, duke u vendosur deri në Jordaninë e sotme. /aa
