Të paktën 8 persona e kanë humbur jetën ndërsa 9 të tjerë llogariten si të zhdukur pasi një hotel të hënën u shemb në Kinë, transmeton Anadolu Agency (AA).
“Operacioni i shpëtimit ende është në vazhdim”, thanë autoritetet e qeverisë lokale për të përditshmes kineze “Global Times”. Rreth 23 persona thuhet se janë bllokuar nën rrënojat e ndërtesës në rrethin Wujiang të qytetit Suzhou në provincën lindore Jiangsu.
Një ndërtesë ndihmëse e hotelit Siji Kaiyuan, e cila u hap në vitin 2020 me 54 dhoma mysafirësh, u shemb të hënën pasdite. Hoteli kishte rezervimin e plotë kur ndodhi incidenti.
Autoritetet lokale kanë mobilizuar rreth 600 pjesëtarë të ekipeve të shpëtimit për të ndihmuar në përpjekjet e evakuimit ndërsa vinça të mëdhenj janë vendosur në operacionet manuale të shpëtimit duke pastruar mbeturinat.
Të paktën 14 persona janë tërhequr nga rrënojat, 8 prej të cilëve u shpallën të vdekur. /aa
