Shefi i shtabit të ushtrisë së Izraelit, Aviv Kochavi deklaroi se janë përgatitur për një operacion ushtarak ndaj Gazës dhe se kanë përshpejtuar përgatitjet edhe për opsionin ushtarak kundër Iranit, transmeton Anadolu Agency (AA).
Sipas lajmit të transmetuesit publik izraelit KAN, Kochavi ka bërë deklarata për gazetarët e luftës.
“Ndoshta në një periudhë të afërt ne po përgatitemi për një operacion të ri në Gaza dhe ne nuk pranojmë dhe nuk do të pranojmë që të shkelet sovraniteti i Izraelit pavarësisht se kush ndodhet pas kësaj”, tha Kochavi.
Duke vënë në dukje se ushtria ka përshpejtuar përgatitjet për një operacion ushtarak edhe kundër Iranit nëse nuk ka alternativë tjetër për të ndaluar programin bërthamor, Kochavi theksoi se për këtë qëllim është ndarë një buxhet i mbrojtjes.
Ai tha se Ministria e Mbrojtjes ka marrë pagesë shtesë për buxhetin e këtij viti 1.5 miliardë shekel (rreth 460 milionë dollarë) dhe për vitin 2022 ka marrë 1 miliard shekel (rreth 310 milionë dollarë).
Lidhur me planet për të kundërshtuar aktivitetet detare të Iranit në rajon, Kochavi shtoi se ushtria izraelite ka punuar në mënyra të ndryshme dhe sistematike për të zvogëluar dominimin e Iranit në Lindjen e Mesme. /aa
