Jonathan Whittall, drejtori i Zyrës së OKB-së për Koordinimin e Çështjeve Humanitare (OCHA) në territoret palestineze të pushtuara, përshkroi me tone të rënda gjendjen aktuale në Gaza, ku uria dhe kequshqyerja po rriten për shkak të rrethimit izraelit.
“Po ndodh një sulm ndaj dinjitetit të njerëzve në Gaza,” tha Whittall në një mesazh zanor të shpërndarë në rrjetet sociale.
Ai shtoi se banorët e Gazës i kanë treguar se ndihen sikur po përjetojnë një shkatërrim të qëllimshëm të jetës palestineze para syve të gjithë botës. “Ajo që shohim rreth nesh është një vuajtje e pafundme nën një bllokadë totale dhe të plotë,” tha Whittall.
Situata humanitare në Gaza vazhdon të përkeqësohet, me mungesë të theksuar ushqimi, ilaçeve dhe nevojave bazike për mbijetesë.
