Drejtori i Përgjithshëm i Organizatës Botërore të Shëndetësisë (OBSH), Dr. Tedros Ghebreyesus, ka dënuar ashpër vrasjen e tetë punonjësve të Shoqatës së Gjysmëhënës së Kuqe Palestineze në Gaza.
Në një postim në platformën X, ai e cilësoi sulmin si “të dënueshëm” dhe shprehu shqetësimin për gjendjen e Assad Al-Nassasra, një tjetër punonjës i ambulancës që ende rezulton i zhdukur.
“Sipas ligjit humanitar ndërkombëtar, punonjësit e shëndetësisë duhet të mbrohen në çdo kohë,” tha Dr. Tedros.
“Ne jemi të pikëlluar për humbjen e këtyre kolegëve dhe kërkojmë që sulmet ndaj punonjësve të shëndetësisë dhe ndihmës humanitare të ndalen menjëherë. Armëpushimi duhet të rivendoset.” /mesazhi
