Komuniteti i inteligjencës amerikane zyrtarisht fajësoi Princin e Kurorës të Arabisë Saudite, Mohammed bin Salman, për vrasjen brutale të vitit 2018 të kolumnistit të gazetës “Washington Post”, Jamal Khashoggi, raporton Anadolu Agency (AA).
Raporti i deklasifikuar i Zyrës së Drejtorit të Inteligjencës Kombëtare arriti në përfundimin, bazuar kryesisht në analizën e CIA-s, se sundimtari “de facto” i mbretërisë “miratoi” dhe pothuajse me siguri urdhëroi vrasjen.
“Ne e bazojmë këtë vlerësim në kontrollin e Princit të Kurorës në vendimmarrjen në mbretëri, përfshirjen e drejtpërdrejtë të një këshilltari kryesor dhe anëtar i sigurimit të Muhamed bin Salman në operacion dhe mbështetjen e Princit të Kurorës për përdorimin e masave të dhunshme për të heshtur disidentët jashtë vendit, përfshirë Khashoggi-n”, thuhet në raport.
Khashoggi u vra brutalisht dhe me gjasë u copëtua në konsullatën e Arabisë Saudite në Stamboll në tetor të vitit 2018 nga zyrtarët sauditë. Zyrtarët sauditë fillimisht mohuan çdo rol në vdekjen e tij, por më vonë u përpoqën të fajësojnë një operacion të interpretuar gabimisht.
Kufoma e Khashoggi-t nuk është gjetur kurrë, me spekulime se kufoma ishte tretur në një vaskë me acid në ndërtesën diplomatike.
Ky shpjegim është refuzuar gjerësisht nga Kombet e Bashkuara (OKB) dhe ligjvënësit e SHBA-së që insistojnë në fajësinë e Mohammed bin Salman-it.
Vlerësimi i inteligjencës nuk është bërë tani. Ish presidenti amerikan Donald Trump bllokoi lirimin e tij ndërsa vazhdimisht kërkonte të mbronte bin Salman-in nga faji në vrasjes që tronditi botën.
Por administrata e Biden-it i ka dhënë përparësi botimin e raportit, pavarësisht nga pasojat për marrëdhëniet midis SHBA-së dhe Arabisë Saudite.
