Një grua muslimane është sulmuar fizikisht nga një i panjohur, i cili u përpoq t’ia largonte shaminë. Ajo u sulmua fizikisht pasi i rezistoi agresorit.
Viktima anonime u trajtua në spital pas sulmit, i cili ndodhi pas namazit të sabahit. Incidenti u shënua në Milwaukee, Wisconsin, SHBA.
Megjithëse policia po heton rastin, asnjë arrestim nuk është bërë deri tani. Gruaja e cila po shërohet nga plagët e marra thotë se kujtonte se do të vdesë. Sulmuesi iku nga skena e krimit, që ngjau pranë Shoqërisë Islame të Milwaukee.
Sipas vlerësimeve të drejtuesve fetarë, rreth 15,000 myslimanë frekuentojnë xhamitë në gjithë qarkun e Milwaukee.
Numri i grupeve të urrejtjes që shënjestrojnë muslimanët në SHBA pothuajse u trefishua përgjatë vitit 2016 dhe shifrat nga qytetet kryesore tregojnë se krimi islamofobik i urrejtjes është në rritje që nga ardhja në pushtet e Donald Trump. /MESAZHI/
