SHBA-ja ka ripërsëritur qëndrimin e saj ndaj Rripit të Gazës, duke theksuar nevojën për qeverisjen e udhëhequr nga palestinezët dhe duke kundërshtuar çdo ri-okupim ose reduktim territorial pas përfundimit të luftës izraelite në enklavën palestineze, transmeton Anadolu.
“Ne kemi qenë të qartë shumë herë se ajo për të cilën po punojmë dhe ajo që duam të shohim është qeverisja e udhëhequr nga palestinezët në Gaza, si dhe një Gaza është e bashkuar me Bregun Perëndimor nën atë që ne shpresojmë të jetë një Autoritet Palestinez të rigjallëruar”, tha zv/zëdhënësi i Departamentit të Shtetit, Vedant Patel.
Patel kujtoi komentet në Tokio të sekretarit amerikan të shtetit, Antony Blinken, gjatë një vizite në nëntor të vitit 2023, ku ai tha se SHBA-ja kundërshtoi ri-okupimin e Gazës ose çdo reduktim territorial në Gaza pas përfundimit të luftës.
“Ajo për të cilën duam të punojmë dhe çfarë duam të shohim janë elementë afirmativ që do të na çojnë në një paqe të qëndrueshme dhe që sipas mendimit tonë duhet të përfshijë zërat e popullit palestinez, aspiratat e tyre dhe kjo duhet të jetë në qendra e qeverisjes pas krizës në Gaza. SHBA-ja nuk dëshiron dhe nuk do të mbështet asgjë më pak se kaq”, tha Patel.
Më herët, Blinken u takua në Kuds me kryeministrin izraelit, Benjamin Netanyahu, ku sipas Departamentit të Shtetit, “diskutoi rëndësinë e hartimit të një rruge të re përpara në periudhën e pas konfliktit që u lejon palestinezëve të rindërtojnë jetën e tyre dhe të sigurojë qeverisje, siguri dhe rindërtim për Gazën”.
