Zëdhënësi i Departamentit të Mbrojtjes së SHBA-së (Pentagon), gjenerali Pat Ryder tha se lëshimi i raketave balistike taktike nga Koreja e Veriut është “sjellje destabilizuese” dhe e përshkroi situatën si “papërgjegjësi”, transmeton Anadolu.
Lidhur me lëshimin testues të raketave balistike taktike nga Koreja e Veriut, Ryder tha: “Një sjellje e tillë destabilizuese që shkakton trazira është e papërgjegjshme”.
Ai tha se vazhdojnë t’i bëjnë thirrje Koresë së Veriut që t’i kthehet “dialogut diplomatik”. Ryder thekson se raketat balistike të lëshuara nga Pheniani “do të merren seriozisht edhe nëse ato nuk përbëjnë kërcënim” për SHBA-në ose partnerët e saj.
Shtabi i Përgjithshëm i Koresë së Jugut në një deklaratë në fillim të javës njoftoi se Koreja e Veriut lëshoi 2 raketa balistike, njëra prej të cilave fluturoi afërsisht 600 kilometra dhe tjetra 120 kilometra.
Në deklaratën e Administratës së Raketave të Koresë së Veriut lidhur me detajet e testimit të raketave, u tha se në testin e “suksesshëm” është përdorur raketa “Hwasongpho-11Ta-4.5”, e prezantuar si një lloj i ri rakete balistike strategjike.
