Televizioni Al Masirah, i lidhur me Houthit, raporton për sulme të reja ajrore nga SHBA në Jemen.
Sipas raportimeve, SHBA ka kryer dy sulme në malin Nab Shuaib, që ndodhet në distriktin Bani Matar të provincës Sanaa. Më herët, Al Masirah TV raportoi se SHBA kishte kryer 15 sulme ajrore në provincën veriore Saada, duke përfshirë qytetin e Saada-s dhe distriktet Maiz dhe Sahar.
SHBA konfirmon vazhdimin e sulmeve në Jemen
Komanda Qendrore e SHBA-së (CENTCOM) ka publikuar dy video në rrjetet sociale, duke treguar avionë luftarakë që nisen dhe raketa që lëshohen nga një aeroplanmbajtëse.
Postimi u shoqërua me deklaratën e shkurtër: “Forcat e CENTCOM vazhdojnë sulmet mbi pozicionet e Houthive…”
Ndërkohë, mediat jemene raportojnë për më shumë sulme pranë kryeqytetit Sanaa dhe në provincën veriore Saada. Bombardimet amerikane kanë shkaktuar mbi 60 viktima në Jemen, një nga vendet më të varfra në botë.
