Kanë filluar të mblidhen serbët nga Kosova dhe rajoni për të festuar “Vidovdanin” në Gazimestan të Prishtinës.
I gjithë manifestimi qendror po përcillet me prani të shtuar të Policisë së Kosovës të cilët po kryejnë kontrolle ndaj të pranishmëve.
Gjithashtu, të njëjtëve po iu pamundësohet hyrja me çfarëdo mbishkrimi nacionalist në bluzat e tyre.
Policia e Kosovës ka kthyer nga aty dy serbë, të cilët kishin të veshura bluza me mbishkrime nacionaliste serbe.
Kësisoj ata kanë debatuar lidhur me këtë çështje, por nga Policia është kërkuar ose të largojnë këto lloje të bluzave, ose në të kundërtën nuk kalojnë për në këtë manifestim të tyre.
