Sekretari i Shtetit i SHBA-së, Antony Blinken, është protestuar në Washington DC gjatë fjalimit të tij në ngjarjen e Këshillit Atlantik mbi Lindjen e Mesme, duke u quajtur “Blinken i përgjakur, sekretari i gjenocidit” dhe “ne nuk do t’ju falim” nga një grua protestuese në solidaritet me Gazën, transmeton Anadolu.
Blinken po fliste për politikën e tij të jashtme, pasi mandati i tij 4-vjeçar do të përfundojë javën e ardhshme.
“Sekretar i gjenocidit”, ju keni në duar gjakun e qindra mijëra njerëzve të pafajshëm”, bërtiti gruaja protestuese.
“Trashëgimia juaj do të jetë gjenocidi. Do të njiheni përgjithmonë si Blinkeni i gjakosur, sekretari i gjenocidit. Ju keni gjakun e qindra mijëra njerëzve të pafajshëm në duart tuaja. Nuk do ta harrojmë, turp të keni”, tha gruaja protestuese.
“Unë i respektoj pikëpamjet tuaja. Ju lutem më lejoni të ndaj të miat. Faleminderit”, u përgjigj Blinken.
Sekretari amerikan u përball me dy ndërprerje të tjera, me një tjetër protestues që e quajti atë “përbindësh” dhe “kriminel lufte”.
Administrata e presidentit Joe Biden është përballur me kritika për mbështetjen e saj për Izraelin gjatë luftës në Gaza, e cila që nga tetori i vitit 2023 ka vrarë të paktën 46 mijë palestinezë.
