Në të ardhmen e afërt, ndërtimi i një shtëpie mund të jetë aq e lehtë sa printimi i një bilete avioni. “New Story”, një organizatë bamirësie dhe “Icon”, një kompani për ndërtimin e robotikës në Teksas zbuloi atë që besohet të jetë shtëpia e parë 3D.
Të dy organizatat u bënë së bashku për të treguar se është e mundur të ndërtohet një shtëpi në vetëm 24 orë. Ata e vunë në provë këtë koncept dhe filluan të prodhojnë shtëpi të vogla për familjet në vende si Haiti dhe El Salvador.
Një shtëpi 800 metër katrorë kushton 10,000 dollarë për t’u ndërtuar për shkak të përdorimit të printerit Vulcan që “Icon” zotëron.
Por ky çmim pritet të zbresë në 4,000 dollarë. Teorikisht pritet që së shpejti një shtëpi të arrijë të ndërtohet për vetëm gjashtë orë por procesi është ende në testim.
Shtëpia në Austin është e vetmja e ndërtuar deri më tani.
Ka grupe të tjera që po punojnë në printimin e shtëpive, si Apis Cor në Rusi. Por grupi në Austin beson se struktura e saj është shtëpia e parë e shtypur e konsideruar e banueshme nga qeveria lokale.
“Icon” shpreson që përfundimisht të komercializojë teknologjinë e shtypjes së shtëpisë në SHBA, ku mungesat e strehimit po arrijnë nivele të rënda në disa qytete më të mëdha.
