Presidentët e Egjiptit dhe Francës, së bashku me Mbretin Abdullah II të Jordanisë, po zhvillojnë një samit në kryeqytetin egjiptian për të diskutuar krizën e thelluar në Rripin e Gazës.
Sipas një deklarate nga oborri mbretëror jordanez, të tre liderët kanë bërë thirrje për një armëpushim të menjëhershëm dhe rifillimin e rrjedhës së ndihmave humanitare për popullatën palestineze, e cila po përballet me mungesa të theksuara ushqimore dhe mjekësore për shkak të bllokadës dhe luftimeve të vazhdueshme.
Samiti në Kajro konsiderohet si një përpjekje diplomatike për të shtyrë komunitetin ndërkombëtar drejt një zgjidhjeje që mund të ndalë përshkallëzimin e dhunës dhe të zbusë krizën humanitare në territorin e rrethuar.
Nuk është bërë ende e ditur nëse do të ketë ndonjë deklaratë përfundimtare e përbashkët apo hapa konkretë që do të ndërmerren pas takimit.
