Ushtria ruse ka kryer sulm duke përdorur tetë dronë “Geran-2” ndaj një uzine të prodhimit të mjeteve ajrore pa pilot (UAV) të Ukrainës dhe një depoje ushtarake në Bohodukhiv, rajoni i Kharkivit, njoftoi Ministria ruse e Mbrojtjes, transmeton Anadolu.
Ministria publikoi pamjet me video që thuhet se janë nga sulmi, duke pretenduar se operacioni goditi me sukses objektivat e synuara.
Autoritetet ukrainase nuk kanë lëshuar ende një deklaratë zyrtare në lidhje me sulmin apo viktima të mundshme.
“Geran-2”, i njohur gjithashtu si “Shahed-136”, është dron kamikaz i prodhuar nga Irani. Ai është përdorur gjerësisht nga forcat ruse në sulmet me rreze të gjatë kundër infrastrukturës dhe instalimeve ushtarake të Ukrainës.
