Ministri rus i Mbrojtjes Sergej Shoygu dhe ministri i Brendshëm serb Aleksandar Vulin ranë dakord të zgjerojnë dhe forcojnë bashkëpunimin ushtarak midis dy vendeve në një takim të mbajtur në Moskë, transmeton Anadolu Agency (AA).
Shoygu vuri në dukje se të dy vendet po zbatojnë gradualisht dhe me sukses një program të miratuar shumë vite më parë.
“Ne gjithmonë kemi çështje për të diskutuar me miqtë tanë serbë. Bashkëpunimi midis Rusisë dhe Serbisë është bërë dinamik dhe shumëdimensional vitet e fundit”, tha ai.
Nga ana e tij, Vulin tha se në të ardhmen më të afërt, sipas marrëveshjes së nënshkruar më parë, në kryeqytetin e Serbisë do të hapet zyra e Ministrisë së Mbrojtjes së Rusisë.
Vulin vuri në dukje se bashkëpunimi ushtarak ruso-serb po zhvillohet në mënyrë dinamike dhe vlerësoi kontributin e ministrit rus Shoygu për këtë. /aa
