Prokuroria e Azerbajxhanit njoftoi se është rritur në 13 numri i civilëve që kanë humbur jetën në sulmin me raketa që Armenia kreu ndaj qytetit Ganja të Azerbajxhanit, transmeton Anadolu Agency (AA).
Në një deklaratë nga Prokuroria thuhet se ushtria e Armenisë në orët e natës kreu një sulm raketor ndaj vendbanimeve në Ganja i cili është qyteti i dytë më i madh i Azerbajxhanit.
Nga sulmi kanë humbur jetën 13 azerbajxhanas dhe mbi 45 të tjerë janë plagosur pasi një prej raketave të lëshuara në rajonin me civilë goditi një ndërtesë shumëkatëshe.
Në sulmin e Armenisë janë dëmtuar një numër i madh i shtëpive, bizneseve dhe automjeteve.
