Ekipet e rojës bregdetare turke shpëtuan në Detin Egje gjithsej 11.111 emigrantë në periudhën mes 1 janarit dhe 31 korrikut
Roja bregdetare turke ka shpëtuar më shumë se 11.000 emigrantë në Detin Egje në shtatë muajt e fundit, raporton Anadolu Agency (AA).
Ekipet e rojës bregdetare turke shpëtuan në Detin Egje gjithsej 11.111 emigrantë në periudhën mes 1 janarit dhe 31 korrikut.
Roja bregdetare greke ktheu ilegalisht 9.973 emigrantë ilegalë në ujërat territoriale turke.
Që nga fillimi i këtij viti, më së shumti refuzime u regjistruan në korrik, kur u kthyen 1.933 emigrantë të parregullt.
Midis emigrantëve të shpëtuar nga roja bregdetare turke, 1.138 po përballeshin drejtpërdrejt me vdekjen pas dështimit të motorit ose përmbysjes së varkës.
Ekipet po ashtu gjetën trupat e shtatë emigrantëve dhe arrestuan 80 kontrabandistë.
Türkiye është një nga rrugët kryesore për emigrantët dhe azilkërkuesit që duan të kalojnë në Evropë dhe të fillojnë jetë të re, veçanërisht ata që ikin nga lufta dhe persekutimi.
Ankaraja dhe grupet ndërkombëtare të të drejtave të njeriut kanë dënuar në mënyrë të përsëritur praktikën e paligjshme të Greqisë për dëbimin e azilkërkuesve, duke thënë se ajo shkel vlerat humanitare dhe ligjin ndërkombëtar duke rrezikuar jetën e njerëzve vulnerabël, përfshirë gratë dhe fëmijët.
Ky vend tashmë mirëpret katër milionë refugjatë, më shumë se çdo vend tjetër në botë. /aa
