Aktori dhe regjisor i njohur, Louis Mandylor, i njohur për kontributin e tij në disa filma të famshëm në industrinë e Hollywood-it, po përgatitet për të krijuar një film të ri, me temë luftën në Kosovë.
Ideja për këtë projekt, që parashikohet të xhirohet me regjinë e Mandylor, është në fazën e konkretizimit. Burimet nga gazeta Reporteri kanë zbuluar se aktori dhe regjisori nga Australia, bashkë me ekipin e tij, do të qëndrojnë në Kosovë gjatë ditëve të ardhshme për të filluar punën përreth këtij filmi, i cili do të trajtojë ngjarjet e luftës në fund të viteve ’90 në këtë rajon.
Ligji për zonat e mbrojtura, BE kërkon transparencë, reagon Rama: Të parët në rajon për…Dita e Kosovës – “Dardanët” luajnë ndaj IrlandësMinistrja izraelite për të drejtat e grave: Jam krenare për rrënojat e Gazës, le të not…Koalicioni “VLEN”: BDI për një mandat ka harxhuar 46 milionë euro për apara…Mijallkov lirohet nga akuzat në rastin “Thesari”, në gjykimin e parë u dënu…
Rreth kastit të këtij filmi, raportohet se do të përfshihet edhe aktori britanik i njohur për rolin e tij ikonik si ‘Boyka’, Scott Adkins.
Kjo nuk është hera e parë që Mandylor merret me historinë shqiptare në botën e filmit. Ai ka luajtur një rol të rëndësishëm në vitin 2019 në filmin “The Brave”, i cili trajtonte ngjarjet në Lazarat.
Ndryshe nga “The Brave”, ku Mandylor luan rolin kryesor, ky projekt i ri për luftën në Kosovë do të shënojë një sfidë të re për yllin e Hollywood-it, pasi ai do të marrë përsipër edhe regjinë e filmit.
Buxheti për këtë projekt parashikohet të jetë në miliona dollarë, tregues i ambicies së Mandylor për të sjellë në ekran një pamje autentike dhe emocionuese të kësaj periudhe të ndjeshme në historinë e Kosovës.
Fansat dhe kritikët e kinematografisë presin me interes për të parë se si do të materializohet kjo përpjekje e re në botën e filmave të Hollywood-it.
