Një e pesta e popullsisë së Izraelit jeton nën kufirin e varfërisë, njoftoi Instituti Kombëtar i Sigurimeve, transmeton Anadolu.
Një raport vjetor i institutit tregoi se 1,98 milion njerëz jetojnë nën kufirin e varfërisë, duke përfshirë 872.400 fëmijë dhe 158.500 të moshuar.
Kjo shifër përfaqëson 20,7 për qind të popullsisë së Izraelit prej 9,7 milionë banorësh, me 27,9 për qind të fëmijëve dhe 12,8 për qind të qytetarëve të moshuar që jetojnë nën kufirin e varfërisë.
Sipas raportit, shkalla e varfërisë është pothuajse e njëjtë si në dy vitet e fundit, me një rënie të vogël nga viti i kaluar.
Raporti tregoi gjithashtu se varfëria dhe privimi mbeten të larta midis komuniteteve arabe dhe ultra-ortodokse izraelite.
Sipas raportit, banorët e Izraelit verior dhe jugor, si dhe të zonave në Kuds, janë ndër më të varfrit në vend.
Të hënën, organizata humanitare izraelite “Latet” pretendoi se më shumë se një e katërta e popullsisë izraelite jeton nën kufirin e varfërisë.
