ATSH/- Ekipi i Barcelonës dhe Interi kanë gjetur akordin për transferimin në formë huazimi me të drejtë blerje të mesfushorit Brazilian Rafinja, i cili do ti kushtoj arkës së klubit nga Milano plot 35 mln euro dhe 3 mln të tjera në formën bonusi.
Edhe pse marrëveshja mes dy klubeve tashmë është arritur, bisedimet për transferimin e lojtarit kanë qenë të vështira pasi klubi i Barcelonës ka kërkuar shitjen e lojtarit në vlerën e 38 mln eurove, kërkese e cila është refuzuar nga Inter i cili ka kërkuar huazimin e lojtarit me të drejtë blerje, për të ruajtur financat në rast se Rafinja nuk jep rezultate e duhura në fushë.
Braziliani Rafinja në nëntë muajt e fundit nuk ka gjetur hapësirat e duhura në ekipin Katalanas, dhe pavarësisht aktivizimit të tij kundër ekipit të Espanjol në kupën e Mbretit, vetë lojtari ka kërkuar që të kaloj në një tjetër kampionat.