Formimi i ushtrisë së vendit ka qenë pjesë e premtimeve dhe zotimeve të politikanëve para dhe gjatë fushatës zgjedhore, mirëpo analistët parashikojnë se pikërisht ky ligj do të qet në vështirësi Qeverinë e re të Kosovës.
Analisti i çështjeve politike në vend Ramush Tahiri, në një prononcim për Indeksonline, ka shpjeguar se për ti votuar ndryshimet kushtetuese do të duhen të bindën 2 të 3-at e minoriteteve, për të cilët ka shprehur dishime se do të mund ta votojnë ushtrinë e ardhshme të Kosovës.
“Do të nevojitën 2 të 3-tat e deputetëve të minoriteteve që votohet për ndryshime në Kushtetutën e Kosovës. Tani duhet të pyetën dhe të binden serbet për këto ndryshime kushtetuese, në mënyrë që të transformohet FSK-ja në Ushtri të Kosovës, por unë nuk besoj që do t arrij ti bind ndokush sepse deri më tani asnjë prej serbeve sado bashkëpunues të jetë nuk ka dhënë ndonjë deklaratë se do ta votonte për ndryshimet kushtetuese për formimin e ushtrisë së Kosovës”, ka thënë Tahiri.
Ai thekson se ishte Lista serbe, ajo që kundërshtoi fuqishëm iniciativën e Presidentit Thaçi, për formimin e Ushtrisë së Kosovës, me anë të ligjit që parashihte këtë.
“Lista serbe siq edhe kanë deklaruar vetë ata marrin instruksione nga Beogradi zyrtar, dhe se do të jetë shumë e veshtirë të bindën që ta votojnë transformimin e FSK-së në Ushtri të Kosovës, dhe këtë sigurisht e dinë Qeveria e re e Kosovës.
