Ministri i Punëve të Jashtme të Turqisë, Mevlüt Çavuşoğlu, tha se një “qendër kontrolli” do të krijohet për korridorin e grurit nëse palët ruse dhe ukrainase arrijnë një marrëveshje në një takim që do të mbahet së shpejti në Stamboll, raporton Anadolu Agency (AA).
“Nëse një marrëveshje nënshkruhet në Stamboll, atëherë do të krijohet një qendër kontrolli si një zonë e sigurt jashtë ujërave territoriale të Ukrainës”, tha ministri Çavuşoğlu gjatë një konference të përbashkët për media në Ankara me homologen e tij britanike Liz Truss.
Duke mbështetur përpjekjet e OKB-së, Çavuşoğlu tha gjithashtu se Turqia po përpiqet të zgjidhë çështjen e grurit me Rusinë dhe Ukrainën.
Në lidhje me akuzat për drithëra të vjedhura nga Ukraina, ministri Çavuşoğlu theksoi se Turqia ka hetuar vendin e origjinës së të gjitha produkteve të përmendura dhe ato janë etiketuar si produkte ruse.
Turqia është kundër blerjes dhe shitjes së paligjshme të grurit ukrainas nga çdo vend, duke përfshirë Rusinë, por njëkohësisht duke mos u kufizuar me Rusinë dhe duke ndaluar shitjen në vende të tjera.
Duke vënë në dukje se Turqia ka “vendosmëri të plotë” për këtë çështje, Çavuşoğlu deklaroi gjithashtu se vendi nuk do të lejojë hyrjen e këtij drithi.
Nga ana e saj, Sekretarja e Jashtme e Mbretërisë së Bashkuar Truss tha se Mbretëria e Bashkuar dhe Turqia punojnë së bashku për të nxjerrë grurin nga Ukraina.
Duke përshëndetur “rolin udhëheqës” të Turqisë në hapjen e një korridori të eksportit të grurit nga Ukraina, Truss theksoi urgjencën e krizës së grurit, duke shtuar se ajo do të ketë pasoja shkatërruese nëse nuk zgjidhet brenda muajit të ardhshëm. /aa
#Canlı 📡
Birleşik Krallık Dışişleri Bakanı Liz Truss ile Ortak Basın Toplantısı
📍Ankara https://t.co/WbcVRspd86
— Mevlüt Çavuşoğlu (@MevlutCavusoglu) June 23, 2022
