Presidenti rus, Vladimir Putin, ka thënë se marina ruse do të marrë raketa lundrimi hipersonike “Zircon”, brenda disa muajve të ardhshëm.
Duke folur para turmave në Shën Petersburg në Ditën vjetore të Marinës së Rusisë, Putin i shpalli raketat si unike dhe tha se vendosja e tyre do të varet nga interesat ruse, raportoi Sky News të dielën.
“Dorëzimi i këtyre raketave, forcave të armatosura, ruse do të fillojë në muajt e ardhshëm”, tha ai.
Udhëheqësi rus vlerësoi gjithashtu Carin Pjetrin e Madh që e bëri Rusinë një fuqi të madhe detare dhe tha se Rusia kishte nënshkruar sot një doktrinë të re që shpjegon interesat ekonomike kombëtare.
Armët hipersonike mund të udhëtojnë me nëntë herë shpejtësinë e zërit, dhe Rusia ka kryer testime të mëparshme të Zirkonit nga anijet luftarake dhe nëndetëset gjatë vitit të kaluar. /koha
