Presidenti i Rusisë, Vladimir Putin diskutoi për situatën në tregun e energjisë me Princin e Kurorës së Arabisë Saudite, Mohammed bin Salman, transmeton Anadolu.
Sipas njoftimit të Kremlinit, në bisedën e tyre telefonike, Putin dhe Salman vlerësuan nivelin e arritur në marrëdhëniet miqësore midis Rusisë dhe Arabisë Saudite, bazuar në parimet e respektit të ndërsjellë dhe të konsiderimit të interesave të njëri-tjetrit.
Gjatë bisedës u trajtuan një sërë çështjesh aktuale në lidhje me bashkëpunimin mes dy vendeve në fushën politike, tregtare, ekonomike dhe energjetike si dhe u tërhoq vëmendja për rëndësinë e mbajtjes së një koordinimi të ngushtë në kuadër të OPEC + për të siguruar stabilitet në tregun e energjisë.
Gjithashtu gjatë bisedës, sipas Kremlinit, u arrit marrëveshje për vazhdimin e kontakteve në nivele të ndryshme.
