PSG ka fundosur Barcelonën në Park de Prince duke e mposhtur me rezultat të thellë 4-0.
Skuadra e Emery bëri një paraqitje fantastike duke mos lejuar në asnjë mënyrë që të cenohet porta e portierit Trapp.
Dramën në Paris e filloi Angel Di Maria ku në minutën e 18-të shënoi supergol nga gjuajtja e lirë.
Për rezultatin e pjesës së parë 2-0 u përkujdes Draxler, i cili debutoi me gol në minutën e 40-të.
Pjesa e dytë ishte kopje e asaj të parës, me një skuadër në fushë dhe me një Barcelonë inegzistente.
Në minutën e 55-të, Di Maria festoi ditëlindjen e tij duke shënuar golin e dytë personal dhe të tretin për PSG.
Padyshim në listën e realizatorëve nuk mund të mungonte edhe Edinson Cavani, ku në minutën e 72-të shënoi golin e katërt për PSG.
Ndeshja kthyese në Campo Nou do të zhvillohet me 8 mars, ku Barcelona do të shpresojë për ndonjë mrekulli në shtëpinë e tyre.
