Autoritetet amerikane kanë ngritur akuza për vandalizëm të shkallës së rëndë ndaj 12 protestuesve që morën pjesë në një demonstratë pro-Palestinë në Universitetin e Stanfordit në qershor të vitit 2024.
Të pandehurit, të moshës nga 19 deri në 32 vjeç, akuzohen se janë futur me forcë në zyrën e presidentit të universitetit, duke e zënë atë me barrikada. Prokuroria i ka cilësuar veprimet e tyre si një “konspiracion për të pushtuar” ndërtesën, ndërsa pretendohet se njëri prej tyre hyri duke thyer një dritare.
Universiteti kishte raportuar në atë kohë se 13 persona ishin arrestuar gjatë protestës. Një oficer policie u plagos dhe ndërtesa pësoi dëme të konsiderueshme.
Ndërkohë, administrata Trump ka ndërmarrë një fushatë të gjerë represive ndaj protestuesve në kampuset universitare në mbarë SHBA-në, përfshirë arrestime dhe përpjekje për dëbimin e studentëve jo-qytetarë që kanë shprehur qëndrime pro-palestineze. /mesazhi
