Protestë në Gjenevë dhe Prizren për Astritin

Sot protestohet para ndërtesës së OKB-së në Gjenevë dhe në Prizren me moton “kërkojmë drejtësi për Astrit Deharin”.

Protesta në Prizren do të mbahet para ndërtesës së Burgut të Prizrenit, duke filluar nga ora 15:00. Kurse, në Zvicër protestohet para ndërtesës së OKB-së në Gjenevë, duke filluar nga ora 16:00.

Në njoftimin e Lëvizjes Vetëvendosje thuhet se sot bëhen një javë nga vdekja e aktivistit Astrit Dehari dhe ende askush nuk ka dhënë përgjegjësi.