Edhe pse FC Prishtina ka kryetrajner, Telegrafi mëson se për pozitën e udhëheqësit të ekipit më të trofeshëm në vend mësohet se janë katër trajnerë ndërkombëtar.
Dy kroatë, një boshnjak dhe një malazez, të gjithë këta emra të njohur në vendet e tyre.
Asanovic sa ishte në pozitën e drejtorit sportiv të Dunajska Streda
Më i njohuri padyshim është ish-futbollisti fitues i medaljes së bronztë në kampionatin botëror “Franca ’98” me Kroacinë, Aljosa Asanovic. Asi kroat ka qenë ndihmëstrajner i Kombëtares së Kroacisë (2006-2012) si dhe i Lokomotivës së Moskës (2012-13), kurse së fundi ka qenë drejtor teknik i skuadrës nga Sllovakia, Dunajska Streda, shkruan Telegrafi.
Pastaj, në listë pas Asanovicit vije ish-trajneri i Shkëndijës së Tetovës, boshnjaku Bruno Akrapovic.
Akrapovic sa ishte si trajneri i Shkëndijës nga Tetova
Në listën e klubit kryeqytetas është edhe malazezi ‘Miki’ Miodrag Vukotic, trajner ky që në edicionin e sapo përfunduar ka shpallur pas shumë vitesh kampion të Malit të Zi, skuadrën më të njohur të këtij vendi, Buduçnost. Ish-futbollisti i Milanit të Italisë i huazuar në Empoli, ka udhëhequr edhe skuadrën e dytë nga Podgorica, Mladost.
Vukotic, trajneri që shpalli kampion pas disa viteve Buducnostin në Mal të Zi
I fundit në listë është kroati, Branko Karacic, ish-futbollist i Hajdukut të Splitit dhe shumë skuadrave evropiane i cili poashtu ka udhëhequr shumë skuadra boshnjake e kroate duke filluar nga NK Zagreb, Osijek, Slaven Belupo, Cibalia, Shibenik dhe dy skuadrat e njohura kroate të Bosnjë e Hercegovinës, Shiroki Brijeg dhe kampionët e shumëfishtë, Zrinjski.
Karacic ka drejtuar shumë skuadra të njohura kroate
