Presidentja e Kosovës Vjosa Osmani ka takuar Sulltanin Haji Hassanal Bolkiah të Bruneit gjatë qëndrimit në New York
Në një postim në Facebook, presidentja Osmani ka thënë se gjatë takimit ka shprehur përkushtimin e Kosovës për intensifikim të marrëdhënieve me Brunein.
Postimi i plotë i Presidentes Osmani:
E nderuar të takohem me Lartmadhërinë e Tij Sulltanin Haji Hassanal Bolkiah të Bruneit gjatë qëndrimit në New York.
Ka shumë potencial për rritjen e bashkëpunimit midis Kosovës dhe Bruneit në fushat me interes të ndërsjellë, ndaj edhe shpreha përkushtimin tonë të plotë për intensifikimin tutje të marrëdhënieve dypalëshe.
