Presidenti turk Recep Tayyip Erdoğan mbërriti në SHBA të shtunën për të folur në sesionin e 79-të të Asamblesë së Përgjithshme të OKB-së këtë javë, raporton Anadolu.
Përpara se të nisej për në New York, Erdoğan tha se do t’i drejtohet asamblesë të martën, ditën e parë të bisedimeve.
“Debati i Asamblesë së Përgjithshme të këtij viti do të zhvillohet nën temën ‘Të mos lëmë askënd pas’. Unë do të prek në mënyrë specifike hapat e përbashkët që mund të ndërmerren kundër gjenocidit në Gaza dhe politikave agresive të Izraelit”, u tha ai gazetarëve.
Erdoğan tha se do të zhvillojë gjithashtu bisedime me homologë të tij nga shumë vende në margjinat e Asamblesë së Përgjithshme, si dhe me Sekretarin e Përgjithshëm të OKB-së, Antonio Guterres.
Në New York, Erdoğan do të takohet gjithashtu me shtetas turq që jetojnë në SHBA dhe do të zhvillojë ndaras takime me përfaqësues të grupeve të ekspertëve dhe anëtarë të komunitetit të biznesit në SHBA.
Ndërkohë, presidenti turk është pritur me ngrohtësi para Shtëpisë Turke (Turkevi), qendra diplomatike e Turqisë në New York.
