Finlanda po planifikon të tërhiqet nga Konventa e Otavës që ndalon minat tokësore, transmeton Anadolu.
Duke njoftuar se qeveria përballë mjedisit të sigurisë së vendit sot mori dy vendime madhore, presidenti finlandez, Alexander Stubb, tha se “së pari, Finlanda deri në vitin 2029 do të rrisë shpenzimet e saj të mbrojtjes në 3 për qind të prodhimit të brendshëm bruto”.
Po ashtu në përputhje me një vlerësim të plotë nga ministritë përkatëse dhe Forcat e Mbrojtjes së Finlandës, theksoi presidenti Stubb, Finlanda “do të përgatitet për tërheqjen nga Konventa e Otavës”.
“Finlanda gjithmonë do të mbetet një aktor i përgjegjshëm në botë, duke ruajtur sigurinë dhe mbrojtjen e saj”, tha presidenti finlandez.
Njoftimi i Finlandës vjen pasi katër vende anëtare të NATO-s, respektivisht Estonia, Letonia, Lituania dhe Polonia, sinjalizuan synimin e tyre për t’u tërhequr nga traktati në mes të luftës së vazhdueshme ruse.
Konventa e vitit 1997, e njohur po ashtu si Traktati i Otavës, ndalon blerjen, prodhimin, grumbullimin, transferimin dhe përdorimin e minave tokësore kundër personelit.
