Presidenti i Bjellorusisë, Alexander Lukashenko, ka pretenduar se Ukraina po përpiqet të tërheq vendin e tij në një luftë që mund të mos jetë në gjendje t’i rezistojë, transmeton Anadolu.
Gjatë vizitës së tij në një kishë në Lahoysk në ditën e Krishtlindjeve Ortodokse, siç njofton presidenca bjelloruse, Lukashenko foli për zhvillimet e Minskut përballë sfidave të jashtme, duke theksuar se ka shumë tension që e rrethon vendin.
“Ata (keqbërësit jashtë vendit) janë nën presion. Ata janë nën presion atje. Pra, ne duhet të tërhiqemi në këtë luftë të vogël”, tha Lukashenko.
Presidenti bjellorus vuri në pikëpyetje veprimet e homologut të tij ukrainas, Volodymyr Zelenskyy, pavarësisht se më parë kishte marrëdhënie të mira me të, duke pretenduar se Zelenskyy ka “marrë urdhra” për ta tërhequr vendin në luftë.
“Nëse ne tërhiqemi në luftë, kjo do të jetë një situatë e vështirë. Ne mund të mos jemi në gjendje ta përballojmë atë si shtet”, tha presidenti bjellorus.
Ai gjithashtu diskutoi rëndësinë e ruajtjes së paqes, duke deklaruar se ai do të bëjë gjithçka për ta mbajtur vendin e tij të qetë.
Më tej, ai përcaktoi ekonominë si sfidë kryesore për Minskun, duke u zotuar se do ta tejkalojë këtë sfidë.
Zelenskyy akoma nuk i është përgjigjur akuzave të presidentit bjellorus.
