Polonia do të mbajë presidencën e radhës midis anëtarëve të Bashkimit Evropian (BE) për gjashtë muaj, transmeton Anadolu.
Nga sot, Polonia ka marrë mandatin nga Hungaria, e cila e mbajti atë që nga 1 korriku 2024.
Presidenca, e cila merret çdo gjashtë muaj midis vendeve anëtare të BE-së, do të mbahet nga Polonia deri më 1 korrik 2025.
Polonia sloganin e presidencës e ka përcaktuar si “Siguria, Evropa!”.
Polonia, vendi i BE-së më i prekur nga Lufta Rusi-Ukrainë dhe fqinje me Bjellorusinë, do të inkurajojë vendet e tjera anëtare të rrisin shpenzimet e tyre të mbrojtjes dhe të forcojnë industrinë evropiane të mbrojtjes.
Polonia po përgatitet gjithashtu të punojë në zgjidhje të reja për të adresuar në mënyrë gjithëpërfshirëse sfidat e migracionit dhe sigurisë në kufijtë e jashtëm të BE-së, për të reduktuar migrimin e parregullt dhe për të aktivizuar procedurat për kthimet.
Duke vënë në dukje se Bjellorusia i përdor emigrantët si armë dhe se vendi po përballet me një luftë hibride, administrata e Varshavës do të përqendrohet gjithashtu në luftimin e dezinformimit dhe reduktimin e varësisë në energji.
Polonia do t’ia dorëzojë detyrën Danimarkës më 1 korrik 2025.
