Arkeologët kanë vendosur të restaurojnë “Portën e Ferrit”, e cila në antikitet shërbente për sakrifikimin e demave nëpërmjet gazrave nëntokësore dhe ndodhet në qytetin antik të Hierapolisit, në Pamukala të provincës turke Denizli.
“Porta e Ferrit në Hierapolis është një vlerë arkeologjike unike në mbarë botën”, ka thënë profesori i shquar italian, Francesco D’Andria, që u është bashkuar vullnetarisht gërmimeve edhe pas pensionimit.
Ish-kreu i gërmimeve arkeologjike në Hierapolis ka njoftuar se kjo zonë do të jetë e vizitueshme menjëherë pas punimeve restauruese, të cilat planifikohen të përfundojnë vitin e ardhshëm./Mesazhi/
