Zëvendësministri polak i Drejtësisë, Sebastian Kaleta e cilësoi sot agresion kërkesën e Komisionit Europian në Gjykatën e Drejtësisë të BE-së (CJUE) për të urdhëruar sanksione financiare kundër Polonisë, në kuadër të një procedure mbi mungesën e pavarësisë së sistemit gjyqësor.
“Komisioni Europian bllokoi në mënyrë të paligjshme fondet e Polonisë dhe kërkesën për sanksione. Këto janë akte agresioni”, deklaroi ai në një mesazh në Twitter duke shtuar se këto sulme ishin të paligjshme.
Komisioni Europian njoftoi sot se i kishte kërkuar Gjykatës së Drejtësisë të BE-së (CJUE) vendosjen e sanksioneve financiare kundër Polonisë, në kuadër të një procedure të ndërmarrë për mungesën e pavarësisë së sistemit gjyqësor polak. /atsh
