Politikanët amerikanë dhe grupet për të drejtat e njeriut kanë dënuar arrestimin e Rumeysa Ozturk, një studente turke në universitetin Tufts, e cila kritikoi luftën e Izraelit në Gaza. Arrestimi i saj dhe revokimi i vizës janë cilësuar si një sulm ndaj lirisë së fjalës dhe të drejtave civile.
Përfaqësuesja demokrate Rashida Tlaib paralajmëroi për shtimin e represionit nga qeveria amerikane, duke e quajtur veprimin një “rrëmbim”. Senatorja Elizabeth Warren gjithashtu dënoi arrestimin, duke e konsideruar atë pjesë të një modeli shqetësues për të shtypur liritë civile.
Këshilli për Marrëdhëniet Amerikano-Islamike e quajti arrestimin një sulm ndaj lirisë akademike dhe një akt represioni që rrezikon të krijojë një precedent të rrezikshëm për të gjithë kritikët e politikës amerikane ndaj Izraelit. /mesazhi
