Zëvendësdrejtori i Policisë së Kosovës për rajonin e veriut të Mitrovicës, Besim Hoti, në një prononcim për Telegrafin ka konfirmuar ndaljen e një autobusi në Jarinje me targa të Serbisë.
Ai tha se në autobus dyshohet për praninë e një mjeti shpërthyes. Njësiti i specializuar i Policisë ka ndaluar autobusin me mbi 50 udhëtarë dhe pritet një kontroll i detajuar.
Hoti bëri të ditur se shoferi dhe udhëheqësi i grupit po merret në pyetje. Prokurori po merret me rastin.
