Policia izraelite ka arrestuar dy ndihmës të kryeministrit Benjamin Netanyahu, me dyshimin për përfshirje në kontakt me një agjent të huaj, ryshfet, mashtrim, shkelje të besimit dhe pastrim parash, transmeton Anadolu.
“Sipas një urdhri të lëshuar nga Gjykata e Magjistraturës Rishon Lezion, është e ndaluar të publikohet ndonjë detaj në lidhje me hetimin, përfshirë gjetjet e tij, marrjen në pyetje të të dyshuarve ose ndonjë provë në lidhje me rastin”, tha policia.
Urdhri i gjykatës mbetet në fuqi deri më 10 prill.
Megjithatë, gazeta izraelite ‘Haaretz’ raportoi se u arrestuan ndihmësit e kryeministrit, Yonatan Urich dhe Eli Feldstein.
Gazeta izraelite tha se “ata dyshohen për kontakt me një agjent të huaj, marrje ryshfeti, mashtrim, shkelje të besimit dhe pastrim par”sh”.
Sipas gazetës, hetuesit i arrestuan në shtëpitë e tyre dhe policia pritet të kërkojë vazhdimin e paraburgimit.
