Një person ka goditur me thikë 4 persona, e më pas është larguar nga vendngjarja për t’i shpëtuar Policisë së Elbasanit.
Nuk dihen ende motivet e kësaj ngjarjeje, por paraprakisht dyshohet për pronësinë e një lokali.
Bëhet e ditur se ngjarja ka ndodhur në qendër të qytetit të Elbasanit, pranë postës, në një zonë tepër të frekuentuar. Mësohet se autori i dyshuar, i shpallur në kërkim, është një shtetas me inicialet G.SH.
Mbetet ende e paqartë gjendja e të plagosurve.
