Forcat izraelite përdorën plumba gome dhe gaz lotsjellës në përleshjet me palestinezët përpara se të rrënonin shtëpitë
Të paktën 5 palestinezë u plagosën në përleshjet me ushtrinë izraelite e cila shkatërroi shtëpitë e dy të burgosurve palestinezë në Bregun Perëndimor të pushtuar të martën në veri, raporton Anadolu Agency (AA).
Të burgosurit palestinezë, Youssef Assi dhe Yahya Marei, u akuzuan nga autoritetet izraelite për të shtënat e 29 prillit, ku u vra një roje sigurie në vendbanimin Ariel.
Para rrënimit në qytetin Qarawat Bani Hassan në provincën Salfit, shpërthyen përleshjet midis forcave izraelite dhe banorëve.
Pesë civilë u plagosën nga plumbat e gomës dhe dhjetëra të tjerë pësuan nga predhat e gazit lotsjellës nga forcat izraelite.
Izraeli zakonisht shkatërron shtëpitë e palestinezëve që dyshohet se kanë kryer sulme. Organizatat e të drejtave të njeriut dënojnë veprime të tilla si “dënim kolektiv”. /aa
