Peshkopi i Halepit dhe Vikari Apostolik përgjegjës për punën misionare të Vatikanit në Siri, kryepeshkopi Hanna Jallouf, e përshkroi takimin e tij me udhëheqësin e administratës së re në Siri, Ahmed al-Sharaa, si “vëllazërore, e sinqertë dhe plot dashuri të madhe”, raporton Anadolu.
Jallouf foli për Anadolu për detajet e takimit të tij me Al-Sharaa-n.
Ai tha se takimi ishte “vëllazëror, i sinqertë dhe me dashuri të madhe” dhe shtoi: “Ndjeva se u ringjall një miqësi e thellë nga e kaluara”. Jallouf tha se mendonte se Al-Sharaa ishte “i sinqertë, i ndershëm dhe një person që mban fjalën” dhe kujtoi se ai ishte takuar me Al-Sharaa-n gjatë punës së tij të mëparshme në Idlib dhe se i kishte thënë se problemet do të zgjidheshin brenda një viti.
Jallouf, i cili tha se Al-Sharaa e telefonoi kur hyri në Halep dhe e pyeti për situatën e komunitetit, ai i transmetoi deklaratat e Al-Sharaa-s si më poshtë:
“Le të jenë të sigurt, ne jemi plotësisht në anën e tyre. Le të vazhdojnë të jetojnë jetën e tyre në rrjedhën e tyre të natyrshme. Askush nuk do t’i dëmtojë as në mënyrë indirekte dhe as drejtpërdrejt. Le t’i festojnë festat e tyre lirshëm dhe natyrshëm si dikur. Në fakt, duam që festat e tyre të jenë më të bukura se më parë”.
Jallouf tha se Al-Sharaa ka “vizion të jashtëzakonshëm” për të ardhmen e Sirisë. “Ai (Al-Sharaa) dëshiron që Siria të arrijë nivelin e qytetërimit të saj të lashtë dhe të hapë derën për një qytetërim më të madh duke ruajtur strukturën mozaike të vendit”.
– Shpresa për të ardhmen
Duke thënë se ka burime njerëzore shumë të kualifikuara në Siri, Jallouf tha se ai shpreson për ndërtimin e vendit së bashku për hir të së ardhmes së fëmijëve.
“Me dëshirën e Zotit, hap pas hapi, ne do t’u shtrëngojmë dorën të gjithëve dhe do të sigurojmë që Siria të kthehet në rolin e saj të mëparshëm kulturor, arsimor dhe artistik”, tha Jallouf.
– Mesazhet “negative” të Perëndimit
Jallouf tha se kjo pikëpamje në lidhje me përmbysjen e regjimit të Bashar al-Asadit në Siri më 8 dhjetor 2024, “nuk do të pranohet” dhe shtoi se: “Sigurisht që ka frikë në çdo ndryshim, kjo është e pashmangshme. Megjithatë, me kohë, shoqëria do të mësohet me këtë ndryshim”.
Ai thekson se misioni i tyre është t’u “tregojnë të vërtetën” vendeve perëndimore. “Besoj se ky perceptim negativ në marrëdhëniet tona me Perëndimin apo SHBA-në do të ndryshojë me kalimin e kohës”, tha Jallouf.
Jallouf, i cili tërhoqi vëmendjen për rëndësinë e mbështetjes së jashtme, tha: “Drita e gjelbër e mbështetjes së jashtme do të forcojë fort shtetin e ri dhe do të lehtësojë kthimin e sirianëve të shpërndarë nëpër botë”.
“Si sirianë, ne kemi jetuar gjithmonë të lirë, e duam lirinë dhe duam të jemi të lirë. Ne kurrë nuk mund të pranojmë t’i nënshtrohemi dikujt tjetër”, tha ai.
