Në Islam, lidhjet farefisnore kanë një rëndësi të madhe dhe janë një detyrim fetar për çdo mysliman.
Ruajtja dhe mbajtja e lidhjeve farefisnore, si lidhje e raporte të shëndosha e të forta është pjesë e adhurimit dhe njëra nga rrugët për të fituar kënaqësinë e Allahut.
Allahu i Madhëruar thotë në Kur’an:
“…Dhe (mos i ndërprisni) lidhjet farefisnore! Vërtet, Allahu është Gjithmonë Vëzhgues mbi ju.”
(En-Nisa: 1)
Po ashtu Muhamedi alejhi selam ka thënë:
“Kush dëshiron që t’i zgjatet jeta dhe t’i shtohet begatia, le t’i mbajë lidhjet farefisnore.”
(Buhariu dhe Muslimi)
Ramazani është muaj i begatë jo vetëm për adhurimin dhe përkushtimin ndaj Zotit, por edhe për forcimin e marrëdhënieve familjare dhe shoqërore.
Islamin e mëson besimtarin që të kujdeset për të afërmit në mënyra të ndryshme:
• Duke i vizituar dhe mbështetur – Për të afërmit, veçanërisht për të moshuarit dhe ata në nevojë.
• Duke u sjellë me dashamirësi dhe respekt – Pavarësisht mosmarrëveshjeve, Islami nxitë faljen dhe pajtimin.
• Duke i ndihmuar financiarisht nëse janë në nevojë – Zekati dhe sadakaja janë mënyra për të ndihmuar farefisin e varfër.
• Duke bërë dua për ta – Lutja për të gjallët dhe të vdekurit është një mënyrë shpirtërore për të ruajtur lidhjet.
• Duke i ftuar për vizita dhe iftare – Sidomos në Ramazan dhe Bajram, të qenurit mikpritës dhe i kujdesshëm forcon lidhjet.
Hoxhë Sadik Avdiu
