Pentagoni ka deklaruar se SHBA-ja do të vazhdojë të ushtrojë presion ndaj Izraelit për të dërguar ndihma humanitare në Rripin e Gazës, transmeton Anadolu.
“Ne nuk do të heqim këmbën nga pedalja e gazit këtu kur bëhet fjalë për të punuar me izraelitët për të rritur sasinë e ndihmave që rrjedhin në Gaza”, u tha gazetarëve zëdhënësi Pat Ryder.
Ryder tha se janë bërë “disa përparime” nga Izraeli, pasi shefi i Mbrojtjes, Lloyd Austin dhe sekretari i Shtetit, Antony Blinken, muajin e kaluar u dërguan një letër homologëve të tyre për të përmirësuar situatën humanitare në Gaza brenda 30 ditëve ose rrezikojnë një embargo të armëve amerikane.
“Duhet bërë më shumë”, tha Ryder, duke shtuar se SHBA-ja do të vazhdojë të ketë biseda me partnerët e saj izraelitë për të parë një “ngritje”.
Siç theksoi ai, është “kritike” që ndihma shtesë të shkojë për njerëzit në Gaza.
Izraeli vazhdon me ofensivën shkatërruese kundër Gazës që nga sulmi nga grupi i rezistencës palestineze Hamas në tetor të vitit 2023, pavarësisht rezolutës së Këshillit të Sigurimit të OKB-së që kërkon një armëpushim të menjëhershëm.
Të paktën 43.700 njerëz janë vrarë që atëherë në Gaza, kryesisht gra dhe fëmijë, si dhe më shumë se 103 mijë të tjerë janë plagosur.
Izraeli përballet me një çështje gjenocidi në Gjykatën Ndërkombëtare të Drejtësisë për luftën e tij vdekjeprurëse në Gaza.
